Жүз жас тұлға жобасына 300-ден астам өтінім түсті

Олардың арасында шеберлер, жолсеріктер, слесарлар, пойыз электромеханиктері, нарядшылар, технологтар, инженерлер, пойыз бастықтары, билет кассирлері, бухгалтерлер, заңгерлер және т.б. теміржол және сабақтас мамандықтардың өкілдері бар.

«Жолаушылар тасымалы» АҚ-ның 100 жас тұлғасы» жобасының мақсаты – Компанияның нақты жас қызметкерлерінің мысалында әдептілік, меритократия, кәсібилік және белсенді ниеттестік идеяларын ілгерілету болып табылады.

Жоба компанияның жас кадрлық әлеуетін дамытуға бағытталған жастар саясаты шеңберінде іске асырылады. Үміткерлер бірнеше іріктеу кезеңдерінен өтеді, содан кейін жобаның финалистері анықталады. Іріктеу қорытындысы тамыз айының басында, яғни теміржолшылардың кәсіби мерекесі – Көлік қызметкерлері күні қарсаңында белгілі болады.